பாபா ராம்தேவ்வை திருமணம் செய்ய ஆசை : ராக்கி சவந்த்!

---

யோகா குரு பாபா ராம்தேவ்வை பார்க்கும் போதெல்லாம் தனக்குள் ஒரு உணர்வு ஏற்படுவதாகவும், அவர் சம்மதித்தால், அவரையே திருமணம் செய்யத் தயார் என்று கவர்ச்சி குயின் ராக்கி சவந்த் பகிரங்கமாக கூறியுள்ளார். பாலிவுட்டின் கவர்ச்சி குயின் என்ற பட்டத்திற்கு சொந்தக்காரர் நடிகை ராக்கி சவந்த். அத்துடன் பல்வேறு சர்ச்சைகளின் ராணி என்று கூட இவரை சொல்லலாம். அதிலும் தன்னுடைய ‌திருமணத்திற்காக இவர் பண்ணிய கூத்துகளை யாரும் மறந்‌திருக்க மாட்டார்கள். அந்தகாலத்தில் வாழ்ந்த ராஜாக்கள் தன்னுடைய மகளை திருமணம் செய்து கொடுக்க சுயம்வரம் நடத்துவார்கள். அதுபோல, இவரும் தன்னுடைய திருமணத்திற்காக சுயம்வரம் நடத்தினார். பலரும் இவரை திருமணம் செய்ய வந்தனர். கடைசியாக ஒருவரை தேர்ந்தெடுத்து அவரை திருமணம் செய்யப்போவதாக அறிவித்து, பின்னர் அவருடன் பழகி பார்த்ததில் தனக்கு ஒத்துவரவில்லை என்று அவருக்கும் டாட்டா காட்டினார்.

இப்போதும் தனக்கேற்ற ஆண்மகன் ஒருவரை தேடிவரும் ராக்கி சவந்த், சமீபத்தில் நிகழ்ச்சியொன்றில் பங்கேற்றார். அப்போது பேசிய அவர், யோகா குரு பாபா ராம்தேவ்வை திருமணம் செய்ய வேண்டும் என்ற ஆசை இருப்பதாக கூறினார். எல்லோரும் அவரை பாபாவாக பார்க்கிறார்கள். ஆனால் நான் அவரை குருவாக பார்க்கிறேன். அவரை பார்க்கும் போதெல்லாம், என்னுள் ஒருவித மாற்றம் ஏற்படுகிறது. அவர் சம்மதித்தால், அவரையே நான் திருமணம் செய்வேன் என்று கூறினார்.

ராக்கி சவந்த்தின் இந்த பேச்சு பெரும் சர்ச்சையை கிளப்பியுள்ளது. ஏற்கனவே காங்கிரஸ் ‌பொதுச் செயலாளர் ராகுலை திருமணம் செய்ய ஆசை என்று கூறி சர்ச்சையில் சிக்கியவர் என்பது குறிப்பிடத்தக்கது.