வங்காளதேசத்தில் உள்ள சிட்டகாங் மாவட்டத்தில் பள்ளி குழந்தைகளுக்கான கால்பந்து போட்டி நடந்தது. போட்டியின் இறுதியில் வெற்றி விழா கொண்டாடப்பட்டது. எனவே அதில் கலந்து கொள்ள ஒரு பஸ்சில் பள்ளிக் குழந்தைகள் ஏற்றி செல்லப்பட்டனர். அந்த பஸ்சில் 8 முதல் 12 வயது வரையிலான 80 குழந்தைகள் இருந்தன. அந்த பஸ் ஒரு மலை பகுதியில் சென்று கொண்டிருந்தது. குழந்தைகள் ஆடி பாடியபடி மகிழ்ச்சியுடன் இருந்தனர். அப்போது மழை பெய்ததால் மேகமூட்டமாக இருந்தது.
இதைத் தொடர்ந்து நிலை தடுமாறிய பஸ் ரோட்டோரம் இருந்த பள்ளத்தில் கவிழ்ந்து உருண்டது. பின்னர் 50 அடி பள்ளத்தில் விழுந்தது. அதில் 53 குழந்தைகள் அதே இடத்தில் பலியாகினர். 15 பேர் காயம் அடைந்தனர். உடனே அவர்கள் அனைவரும் ஆஸ்பத்திரியில் அனுமதிக்கப்பட்டனர். அவர்களில் 10 பேரின் நிலைமை கவலைக்கிடமாக உள்ளது.
கருத்துகள் இல்லை:
கருத்துரையிடுக