லண்டன்: இங்கிலாந்தில் கடந்த 168 ஆண்டுகளாக வெளிவந்து கொண்டிருந்த பிரபல வார பத்திரிகை Ôநியூஸ் ஆஃப் த வேர்ல்ட்Õ. கடந்த சில ஆண்டுகளாக முக்கிய பிரமுகர்கள் பற்றி மிகவும் பரபரப்பான செய்திகள் வெளியிட்டது. அரசு குடும்பத்தினர், முக்கிய அதிகாரிகள், சினிமா பிரபலங்கள், விளையாட்டு வீரர்கள் என யாரையும் விட்டு வைக்கவில்லை. சிலரின் தனிப்பட்ட விஷயங்களும் அம்பலமானதால் பெரும்புள்ளிகளுக்கு பாதிப்பு ஏற்பட்டது. இதையடுத்து பத்திரிகையின் முன்னாள் எடிட்டரும், இங்கிலாந்து பிரதமரின் முன்னாள் செய்தி தொடர்பாளருமான ஆண்டி கவுல்சன், முன்னாள் மூத்த நிருபர் கிளைவ் குட்மேன்(63) ஆகியோர் நேற்று முன்தினம் கைது செய்யப்பட்டு, பின¢னர் ஜாமீனில் விடுவிக்கப்பட்டனர். இவர்கள் பொறுப்பில் இருந்தபோதுதான் பரபரப்பான செய்திகள் வெளிவந்தன. நெருக்கடியை சந்தித்த பத்திரிகை நிறுவனத்தின் நிர்வாகிகள் ரூபர்ட் முர்டோ மற்றும் அவரது மகன் ஜேம்ஸ் முர்டோ ஆகியோர் பத்திரிகை நிறுவனத்தை மூடுவதாக இரண்டு நாட்களுக்கு முன் அறிவித்தனர்.
அதன்படி நேற்று தனது இறுதி பதிப்பை அச்சடித்தனர். இது அந்த பத்திரிக்கையின் 8 ஆயிரத்து 674வது பதிப்பு என்பது குறிப்பிடத்தக்கது. அதன் முதல் பக்கத்தில் Ôநன்றி... குட்பைÕ என அச்சிடப்பட்டிருந்தது.
கருத்துகள் இல்லை:
கருத்துரையிடுக