தமிழகத்தில் உள்ள அனைத்து ரேஷன் கடைகளிலும் உளுத்தம் பருப்பு, துவரம் பருப்பு கிலோ ரூ. 30-க்கு விற்கப்படும் என தமிழக அரசு அறிவித்துள்ளது. தமிழகம் முழுவதும் உள்ள சுமார் 30 ஆயிரம் ரேஷன் கடைகளில் இன்று பிப்ரவரி 1செவ்வாய்க்கிழமை முதல் இவை விற்பனை செய்யப்பட உள்ளது. இதற்கு முன்னர் ரேஷன் கடைகளில் உளுத்தம், துவரம் பருப்பு ரூ. 40-க்கு விற்கப்பட்டது. மேலும் ரூ. 30-க்கு விற்பனையான பாமாயில் ரூ. 25-க்கு விற்பனை செய்யப்பட உள்ளது.
கடந்த வாரத்தில் உளுத்தம், துவரம் பருப்பின் விலை மூட்டைக்கு ரூ. 1,500 வரையிலும், கிலோவுக்கு ரூ. 10 வரையிலும் விலை உயர்ந்தன. இதனால் வெளிச்சந்தையில் முதல் ரக துவரம் பருப்பு கிலோ ரூ. 63-ல் இருந்து ரூ. 73-க்கும், 2-ம் ரக துவரம் பருப்பு ரூ. 55-ல் இருந்து ரூ. 65-க்கும் விற்பனையாகிறது.
இதே போல் கிலோ ரூ. 63-க்கு விற்பனையான முதல் ரக உளுத்தம் பருப்பு ரூ. 68-க்கும், ரூ. 58-க்கு விற்பனையான 2-ம் ரக உளுத்தம் பருப்பு ரூ. 63-க்கும் விற்பனை செய்யப்படுகிறது
கருத்துகள் இல்லை:
கருத்துரையிடுக