மதுரை கீழமாசி வீதியில் இயங்கி வரும் பிரபல நகைக்கடைக்கு வந்த நபர் ஒருவர், விலை உயர்ந்த நகைகளை காட்டும்படி கூறியிருக்கிறார். விலை உயர்ந்த நகைகளை விற்பனையாளர் காட்டியவுடன், தன் கையில் இருந்த துப்பாக்கியை காட்டி அங்கிருந்தவர்களை மிரட்டி, நகைகளை எடுத்துச் செல்ல முயன்றிருக்கிறார்.
ஆனால் மிரட்டியவர் கையில் இருப்பது பொம்மை துப்பாக்கி என்பதை அறிந்தவுடன் கடையில் இருந்தவர்கள் அவரை பிடித்து போலீசாரிடம் ஒப்படைத்தனர். போலீசார் விசாரணையில் அந்த நபரின் பெயர் அபிஷேக் என்பது தெரிய வந்துள்ளது. மேலும் இருசக்கர வாகன விற்பனை செய்யும் கடையில், சோதனை ஓட்டத்திற்கு வைத்திருந்த பைக் ஒன்றை அவர் திருடி வந்ததும் தெரியவந்துள்ளது. ஜார்க்கண்ட் மாநிலத்தைச் சேர்ந்த அவன் கடந்த 7 வருடமாக இந்த பகுதியில் இருந்துள்ளதும் தெரியவந்துள்ளது.
கருத்துகள் இல்லை:
கருத்துரையிடுக