சிதம்பரம்: ஒன்-வேயில் வந்ததை கண்டித்த போக்குவரத்து போலீஸ்காரரை தாக்கிய 2 அதிமுகவினர் கைது செய்யப்பட்டனர். அதிமுக நகர செயலாளர் உள்பட 4 பேரை போலீசார் தேடி வருகின்றனர். சிதம்பரம் தெற்கு வீதி, ஒருவழிப் பாதையாகும். இந்த வழியாக நேற்று காலை வந்த அதிமுக கொடி கட்டிய ஒரு காரை பெண் கான்ஸ்டபிள் நிறுத்த முயன்றார். நிற்காமல் செல்லவே, பச்சையப்பன் பள்ளி சிக்னல் அருகே பணியில் இருந்த போக்குவரத்து போலீஸ்காரர் ராவணனுக்கு தகவல் தெரிவித்தார். உடனடியாக ராவணன் அந்தக் காரை தடுத்து நிறுத்தினார். அதில் இருந்தவர்களிடம் விசாரித்தபோது, அவர்களிடையே வாக்குவாதம் ஏற்பட்டது. காரில் இருந்தவர்கள், ராவணனை திட்டி சட்டையை கிழித்து, தாக்கிவிட்டு சென்றுவிட்டனர். காயமடைந்த ராவணன் சிதம்பரம் அரசு மருத்துவமனையில் சிகிச்சை பெற்று வருகிறார். தகவலறிந்த சிதம்பரம் டிஎஸ்பி நடராஜன், இன்ஸ்பெக்டர்கள் சுப்பிரமணியன், புகழேந்தி, கண்ணபிரான் மற்றும் போலீசார் சென்று ராணவனிடம் விசாரணை நடத்தினர். இதையடுத்து சிதம்பரம் நகர போலீசில் ராவணன் புகார் செய்தார்.
அவரை தாக்கியது அதிமுக நகர செயலாளர் தோப்பு சுந்தர், நிர்வாகிகள் புருஷோத்தமன், சுரேஷ், சிவகுமார், அருள், முத்து என்ற சுதாகர் என்பது தெரியவந்தது. இவர்களில் புருஷோத்தமன் (36), சுதாகர் (32) இருவரையும் போலீசார் கைது செய்தனர். நகர செயலாளர் தோப்பு சுந்தர் உள்பட 4 பேரை தேடி வருகின்றனர்
கருத்துகள் இல்லை:
கருத்துரையிடுக