#
அதிமுக பொதுச்செயலாளர் ஜெயலலிதா இன்று 8ம் நாள் பிரச்சாரத்தை தொடங்க சென்னையில் இருந்து புறப்பட்டார். அப்போது நடிகர் சிங்கமுத்து ஜெயலலிதாவை சந்தித்து அதிமுக கூட்டணிக்கு ஆதரவாக பிரச்சாரம் செய்வதாக உறுதி கூறினார்.
நடிகர்கள் வடிவேலுவுக்கும், சிங்கமுத்துவுக்கும் இருக்கும் பிரச்சனை இன்னும் தீர்ந்தபாடில்லை. இருவரும் ஒருவரை மாற்றி ஒருவர் கடுமையாக விமர்சித்து வந்தனர்.
மேலும் இவர்கள் இருவரும் ஒருவரை மாற்றி ஒருவர் விமர்சித்துக் கொள்ளும் களமாக அமைகிறது இந்த தேர்தல்.
திமுகவுக்கு ஆதரவாக பிரச்சாரம் செய்து வரும் நடிகர் வடிவேலு, ஜெயலலிதாவையும், தேமுதிக தலைவர் விஜயகாந்தை தாக்கு தாக்குன்னு தாக்கி பேசி வருகிறார்.
இந்நிலையில் வடிவேலுவுக்கு பதிலடி கொடுக்க சிங்கமுத்துதான் சரியான ஆள் என்று முடிவு அவர் களம் இறக்கப்பட்டிருக்கிறார். ஓரிரு நாளில் சிங்கமுத்து பிரச்சாரத்தை ஆரம்பிக்கிறார்.
வடிவேலுவின் இன்னொரு முகத்தை தோலுறித்து காட்டப்போகிறேன் என்று பிரச்சாரத்திற்கு தயாராகிவிட்டார் சிங்கமுத்து.
கருத்துகள் இல்லை:
கருத்துரையிடுக