ஜம்மு காஷ்மீர் மாநிலத்தில் பேருந்து பள்ளத்தில் கவிழ்ந்து 16 பேர் பலி!

	ஜம்மு காஷ்மீர் மாநிலத்தில் பேருந்து ஒன்று பள்ளத்தில் கவிழ்ந்து விபத்துக்குள்ளானதில் 16 பேர் பலியாகினர். ஜம்மு காஷ்மீர் மாநிலம் ரம்பான் மாவட்டத்திலேயே இந்த சம்பவம் நிகழ்ந்தது

ரம்பான் மாவட்டத்திலிருந்து பானிஹர் என்ற இடத்தை நோக்கி சென்று கொண்டிருந்த பேருந்து ஒன்று ஸ்ரீநகர் தேசிய நெடுஞ்சாலை வழியாக போய்க்கொண்டிருந்தது. அப்போது கூனி நாலா என்ற இடத்திற்கு அருகே அந்த பேருந்து வந்தபோது, டிரைவரின் கட்டுப்பாட்டை இழந்து அருகிலுள்ள 400 அடி பள்ளத்தாக்கில் உருண்டு விழுந்து விபத்துக்குள்ளானது.




இதில் அந்த பேருந்தில் பயணித்த 16 பேர் பலி 23 பேர் காயமடைந்தனர். இந்த விபத்து குறித்த தகவலறிந்ததும் காவல்துறையினரும், பாதுகாப்பு படையினரும் அந்த இடத்திற்கு விரைந்து சென்று மீட்பு பணிகளில் ஈடுபட்டனர். காயமடைந்தவர்கள் உடனடியாக அருகிலுள்ள மருத்துவமனை ஒன்றில் அனுமதிக்கப்பட்டதாக அதிகாரி ஒருவர் தெரிவித்தார்.