ஒன்பது மாடி பில்டிங் ஒன்றின் மொட்டைமாடியில் இருந்து குதித்து தற்கொலை செய்ய முயன்ற பெண் ஒருவரை, குடும்பத்தினரும், நண்பர்களும், போலீஸூமாக சேர்ந்து காப்பாற்ற முயன்ற சம்பவம் இது. ஒரு வழியாக காப்பாற்றியும் விட்டார்கள்.
ஆனால், அதன் பிறகுதான் வந்தது ஆன்டி-கிளைமாக்ஸ்
!
தெற்கு சீனாவின் ஜாங் ஜியன் நகரில் நடைபெற்ற சம்பவம் இது. ஷெங்-ஃபி என்ற பெண் மொட்டை மாடியில் இருந்து குதிப்பதற்கு முயற்சிப்பதை பார்த்துவிட்டு, அவரைக் காப்பாற்றும் முயற்சியில் ஈடுபட்டனர் பலர். தகவல் தெரிவிக்கப்பட்ட சிறிது நேரத்தில் போலீஸூம் வந்து விட்டது.
மெதுவாக பேச்சு கொடுத்தபடி நெருங்கிய ஆட்கள், ஷெங்-ஃபியின் கால்களை எட்டிப் படிப்பதை காண அடுத்த போட்டோவுக்கு வாருங்கள்.
இதோ, எட்டிப் பிடித்து விட்டார்கள். இப்போதும், வெளியே விழப்போவதாக திமிறுகிறார் ஷெங்-ஃபி. அவர் திமிறுவதன் காரணம் என்ன என்பதை இவர்கள் அப்போது அறிந்திருக்கவில்லை. ஒருவழியாக பலராக சேர்ந்து அவர் விழுந்து விடாமல் பிடித்துக் கொண்டார்கள். அதன்பின் மெதுவாக இழுக்கத் துவங்கினார்கள்.
அப்போதுதான், ஷெங்-ஃபி என்ன சொல்லி கத்துகிறார் என்பதை காது கொடுத்துக் கேட்டார்கள். அதைக் கேட்டபோது, தமது காதுகளையே நம்ப முடியாது போய்விட்டது, காப்பாற்ற முயன்றவர்களுக்கு. அடுத்த போட்டோவுக்கு வாருங்கள்.
அப்படி என்னதான் சொன்னார், ஷெங்-ஃபி?
சற்று நேரத்துக்கு முன்புதான், இதே இடத்தில் இருந்து 4 வயது குழந்தை ஒன்றை தூக்கி வீசியதாக சொன்னார்!
தமது சகோதரரின் மனைவியுடன் சண்டை போட்டுக்கொண்ட ஷெங்-ஃபி, கோபத்துடன் சகோதரனின் குழந்தையை தூக்கி வந்து மொட்டை மாடியில் இருந்து வீசிவிட்டார். அதையடுத்து தாமும் குதித்து தற்கொலை செய்ய முயன்ற போதே, மற்றையவர்களால் காப்பாற்றப்பட்டார்.
அதன்பின் என்ன நடந்தது? இறுதி போட்டோவுக்கு வாருங்கள்.
தற்போது கைது செய்யப்பட்டுள்ளார் ஷெங்-ஃபி. இந்த சம்பவம் தொடர்பாக கருத்து தெரிவித்துள்ள நகர போலீஸ் பேச்சாளர் ஆல்டோ சாங், “தமது உயிரை மாய்த்துக் கொள்ள முயன்ற ஷெங்-ஃபியை காப்பாற்றி விட்டோம். ஆனால், அவர் இப்போதும் உயிரை விடதான் போகிறார். 4 வயது குழந்தையை கொன்ற குற்றத்துக்காக அவருக்கு மரண தண்டனை வழங்கப்படும்” என்றார்.
உலகிலேயே தற்கொலை சதவீதம் அதிகமாகவுள்ள உள்ள நான்கு நாடுகளில் ஒன்று சீனா. 1லட்சம் ஜனத்தொகைக்கு, 22.23 பேர் வீதம் 2010-ல் தற்கொலை செய்து கொண்டுள்ளார்கள்.
சீனாவின் தற்கொலை சதவீதத்தை விட அதிகமாக உள்ள மூன்று நாடுகளும், லத்வியா, கசகஸ்தான், வட கொரியா!
கருத்துகள் இல்லை:
கருத்துரையிடுக