நேட்டோவின் குண்டுத் தாக்குதல்களிலும், தனக்கு எதிரானவர்களின் (லிபியக்கிளர்ச்சியாளர்கள்) படுகொலை முயற்சிகளிலிருந்து தப்புவதற்காகவும் மறைந்து வாழ்ந்து வரும் லிபியத் தலைவர் கேணல் முவம்மர் கடாஃபி ஒவ்வொரு இரவையும் வேவ்வேறு மருத்துவமனைகளில் கழித்து வருவதாக புலனாய்வுத்தகவல்களை ஆதாரம்காட்டி செய்திகள் வெளிவந்திருந்தன.ஆனால், அவற்றை பொய்யாக்கும் வகையில் தாங்குதல் நடைபெறும் இடத்திலேயே சந்திப்புக்களை நடத்தியுள்ளார் கடாபி.லிபியா மீதான நேட்டோவின் கடுமையான தாக்குதல்களுக்கு மத்தியில் தலைநகர் திரிப்பொலிக்குச் சென்று கேணல் முவம்மர் கடாபியுடன் பேச்சுக்களை நடத்தியுள்ளார் தென்னாபிரிக்க ஜனாதிபதி ஜகொப் ஜுமா. மோதல் ஆரம்பிக்கப்பட்டதன் பின்னர் அவர் மேற்கொண்டுள்ள இரண்டாவது பயணம் இது என்றபோதும், தலைநகர் திரிப்பொலியில் நேட்டோவின் கடுமையான தாக்குதல் நடைபெறும் நிலையில் மேற்கொண்ட பயணமாக இது இருக்கின்றது. இவரது பயணத்திற்கு முன்பாக இவரது ஆளும் ஆபிரிக்க தேசிய கொங்கிரஸ் நேட்டோவின் குண்டுத் தாக்குதல்களை கடுமையாகக் கண்டித்திருந்தது.
கருத்துகள் இல்லை:
கருத்துரையிடுக