தமிழக அரசின் சார்பில் சென்னையில் நடைபெற்ற காந்தி ஜெயந்தி விழாவை முன்னிட்டு கடற்கரை காமராஜர் சாலையில் உள்ள அண்ணல் காந்தியடிகளின் திருவுருவச் சிலை மாலை அணிவிக்கப்பட்டு மலர்களால் அலங்கரிக்கப்பட்டு இருந்தது.
சிலையின் பீடத்தில் மகாத்மா காந்தியின் திருவுருவச் சிலையும், மலர் அலங்காரத்துடன் வைக்கப்பட்டிருந்தது.
இன்று காலை இந்த நிகழ்ச்சியில் பங்கேற்க வருகைத் தந்த முதலமைச்சர் ஜெயலலிதாவை செய்தி மற்றும் சட்டத்துறை அமைச்சர் ஜி.செந்தமிழன், தலைமை செயலாளர் தீபேந்திரநாத் சாரங்கி, செய்தித்துறை செயலாளர் ராஜாராமன் ஆகியோர் வரவேற்றனர்.
சரியாக 9 மணியளவில் அங்கு வருகை தந்த தமிழக கவர்னர் ரோசய்யாவை முதலமைச்சர் ஜெயலலிதா வரவேற்றார். பின்னர் முதல்வரும், கவர்னரும் அண்ணல் காந்தியடிகளின் சிலைக்கு கீழ் இருந்த அவரது திருவுருவப் படத்திற்கு மலர் தூவி மரியாதை செலுத்தினர்.
இதையடுத்து காந்தி சிலை முன்பாக சர்வோதய மாணவமாணவிகள் பிரார்த்தனை பாடல்களை பாடிக் கொண்டிருந்த இடத்திற்கு வந்து இருவரும் அங்கு அமர்ந்து பிரார்த்தனையில் பங்கேற்றனர்.
கருத்துகள் இல்லை:
கருத்துரையிடுக