கப்பலில் நியூசிலாந்துக்குள் பிரவேசிக்க முயன்ற 87பேர் கைது !

நியூசிலாந்துக்குள் கப்பல் மூலம் சட்டவிரோதமான முறையில் உட்பிரவேசிக்க முயன்ற இலங்கைத் தமிழர்கள் 87 பேர் கடலில் நேற்று மதியம் இடைமறித்துப் பிடிக்கப்பட்டு உள்ளார்கள். இவர்கள் அலிசியா என்கிற கப்பலில் சில நாட்களுக்கு முன்னர் புறப்பட்டு இருந்தனர். நியூசிலாந்தை ஓரளவு நெருங்கி இருந்தனர். ஆனால் கடலில் ரோந்துப் பணியில் ஈடுபட்டு இருந்த இந்தோனேசிய கடல் படையினர் இவர்களை மடக்கிப் பிடித்தார்கள். கப்பலையும் கைப்பற்றியுள்ளனர். பற்றன் என்கிற இடத்துக்கு அருகில் வைத்து கைது இடம்பெற்றது என அறிவிக்கப்படுகிறது.

கைது செய்யப்பட்டவர்களையும், கைப்பற்றப்பட்ட கப்பலையும் இந்தோனேசிய கடல் படையினர் இந்தோனேசியாவுக்கு கொண்டு செல்கின்றனர். இத்தமிழர்களில் சிறுவர்கள், பெண்கள் ஆகியோரும் அடங்குகின்றனர். நியூசிலாந்து அரசு பொறுப்பேற்று அரசியல் தஞ்சம் வழங்க வேண்டும் என்பது இத்தமிழர்களின் கோரிக்கையாக உள்ளது. இக் கப்பலில் உள்ள தமிழர்கள் அனைவரும் தாம் இந்தோனேசியா செல்லவிரும்பவில்லை என்றும் தமது கப்பலைக் கட்டி இழுத்துச் செல்லவேண்டாம் என்றும் கூறிப் போராட்டத்தில் இறங்கியுள்ளனர் என அதிர்வு இணையம் மேலும் அறிகிறது.