ஆசிய கோப்பை கிரிக்கெட்டில் சாம்பியன் பட்டம் வென்ற பாகிஸ்தான் அணி வீரர்கள் நேற்று நாடு திரும்பினர். அப்போது வீரர்களை வரவேற்பதற்காக கராச்சி விமான நிலையம் முன் அதிக அளவில் ரசிகர்கள் திரண்டனர்.
அப்போது ரசிகர் ஒருவர் பாகிஸ்தான் அணியின் அதிரடி ஆல்ரவுண்டரான அப்ரிடியிடம் ஆட்டோகிராப் கேட்டு வற்புறுத்தியுள்ளார். இதனால் ஆத்திரமடைந்த அப்ரிடி அந்த அப்பாவி ரசிகரை தாக்கி, கீழே தள்ளியுள்ளார்.
மேலும் கீழே விழுந்த ரசிகரை அப்ரிடி மிதிக்க முயன்றதாகவும், அப்போது அப்ரிடியின் சகோதரர் முஷ்டாக் குறுக்கிட்டு அவரை தடுத்ததாகவும் தகவல்கள் தெரிவிக்கின்றன.
ஆனால் அப்ரிடியுடன் வந்த அவரது மகள் ரசிகர்கள் கூட்டத்தால் தள்ளப்பட்டதாகவும், அதனாலேயே அவர் ரசிகரை தாக்கியதாகவும் அப்ரிடிக்கு நெருங்கிய வட்டாரங்கள் தெரிவிக்கின்றன.
ரசிகரை அடித்துவிட்டு காரில் ஏற வந்த அப்ரிடி, அங்கே நின்றிருந்த மற்றொரு ரசிகரை திட்டியதோடு, அடிப்பதாகவும் மிரட்டியுள்ளார்.
கருத்துகள் இல்லை:
கருத்துரையிடுக