எவரெஸ்ட் சிகரத்தை வானிலிருந்து சுற்றிப் பார்ப்பதற்காக சென்ற சுற்றுலாப் பயணிகள் இவர்கள். விமானத்தில் 3 நேபாள நாட்டவர்கள் தவிர மீதமிருந்த 16 பேரும் வெளிநாட்டவர். இவர்களில் 14 பேர் இந்தியர்கள். அனைவருமே தமிழகத்தைச் சேர்ந்தர்கள் என்று தெரிய வந்துல்ளது.
விபத்தில் 10 தமிழர்கள் உள்பட 18 பேர் உயிரிழந்துள்ளனர். இதுவரை 18 பேரின் உடல்கள் மீட்கப்பட்டுள்ளன. ஒருவர் மட்டும் படுகாயத்துடன் உயிர் தப்பினார். இவர் நேபாளத்தைச் சேர்ந்தவர்.
விமானம் கிளம்பிய சிறிது நேரத்தில் கடும் பனி மூட்டத்தில் அது சிக்கிக் கொண்டது. இதனால் நிலை தடுமாறிய விமானம் விழுந்து விபத்துக்குள்ளானது. மோசமான வானிலை காரணமாகவே இந்த விபத்து நடந்துள்ளதாக தெரிவிக்கப்பட்டுள்ளது.
பிசகுநாராயண் என்ற கிராமத்தில் இந்த விபத்து நடந்துள்ளது. தலைநகர் காத்மாண்டுவிலிருந்து சில கிலோமீட்டர் தொலைவில் இந்தக் கிராமம் உள்ளது.
மீட்புப் படையினர் சம்பவ இடத்திற்கு விரைந்துள்ளனர். இருப்பினும் வானிலை மோசமாக இருப்பதால் மீட்புப் பணியில் சிக்கல் ஏற்பட்டுள்ளது.
விபத்து குறித்து அதை நேரில் பார்த்த ஹரிபோல் போடல் என்பவர் கூறுகையில், கிராமத்தில் உள்ள ஒரு வீட்டின் மேற் கூரை மீது விமானம் விழுந்தது. பின்னர் அது உடைந்து விழுந்தது என்றார்.
கருத்துகள் இல்லை:
கருத்துரையிடுக