ஒரு காலத்தில் 13,431 கோடி ரூபாய் கையிருப்பு என்ற அளவில் ரயில்வே கஜானாவில், ரயில்வேயின் நிதி நிலை நல்ல ஆரோக்கியமான நிலையில் இருந்தது.ஆனால் லாலு ரயில்வே அமைச்சராக இருந்தபோது, கடந்த 2008 ஆம் ஆண்டிலிருந்தே கஜானா கையிருப்பு சரிய தொடங்கி, இன்று வெறும் 75 லட்சம் ரூபாயிலிருந்து வந்து நிற்கிறது.
சுதந்திரத்திற்கு பின்னர் ரயில்வே நிதி நிலைமையில் ஏற்பட்ட மிகப்பெரிய வீழ்ச்சி, அநேகமாக இதுவாகத்தான் இருக்கும் என்றும் கூறும் அதிகாரிகள், நிலைமை இதே ரீதியில் சென்றால் எதிர்காலத்தில் ரயில்வே ஊழியர்களுக்கு சம்பளம் மற்றும் ஓய்வூதியம் கொடுக்கக்கூட தடுமாறும் நிலைமை ஏற்பட்டுவிடும் என்று கவலை தெரிவிக்கின்றனர்.
ரயில்வே மாநாட்டுக் குழுவிடமிருந்து பெறப்பட்ட அறிக்கையிலிருந்து கிடைத்த தகவலை பார்த்தால், கடந்த 2008 லிருந்து 2010 ஆம் ஆண்டு வரை ரயில்வேக்கு மாதம் ஒன்றுக்கு சராசரியாக 552 கோடி ரூபாய் நஷ்டம் ஏற்பட்டுள்ளது தெரியவந்துள்ளது.அதாவது நாளொன்றுக்கு 18 கோடி ரூபாய் நஷ்டம்!
ரயில்வே கஜானாவில் காணப்படும் இந்த வீழ்ச்சியால்,பல விரிவாக்க சேவை திட்டங்கள் மற்றும் பயணிகளுக்கான வசதிகளை மேம்படுத்தும் திட்டங்கள் போன்றவற்றுக்கு செலவழிக்க பணம் இல்லாமல் இவை முடங்கும் நிலை ஏற்பட்டுள்ளதாகவும் கவலை தெரிவிக்கின்றனர்.
இதே நிலை நீடித்தால் ஏர் இந்தியா நிறுவனத்திற்கு ஏற்பட்ட கதிதான் ரயில்வேக்கும் ஏற்படும் என்றும் அவர்கள் எச்சரிக்கிறார்கள்!
ம்ம்ம்ம்..... இந்தம்மா வங்காளத்தை அடுத்த ஐந்து ஆண்டுகளுக்கு ஆளப் போறாங்க! கடவுள்தான் காப்பாத்தணும்.
பதிலளிநீக்கு